ഹരിത വിദ്യാലയം -ഞങ്ങളുടെ (നമ്മുടെ സ്കൂള്‍)

സന്തോഷത്തിന്റെ നിമിഷങ്ങളില്‍....................

ബൂലോകരെ.........
കുറച്ചു നാളുകളായി നിങ്ങളുടെ അരികിലേയ്ക്ക് വന്നിട്ട്. മറ്റൊന്നും കൊണ്ടല്ല, ഞങ്ങളുടെ ലാബ് ഷിഫ്റ്റ് ചെയ്തതിനാല്‍ കുറെ ക്ലാസ്സുകള്‍ നഷ്ടമായി.അതിനാല്‍ ക്ലാസ്സുകള്‍ മാനേജുചെയ്യുന്നതിന്റെ തിരക്കിലായിരുന്നു. ഇപ്പോള്‍ ഞങ്ങള്‍ സന്തോഷത്തിലാണ്. കാരണം മറ്റൊന്നും അല്ല ഞങ്ങളുടെ പ്രിന്‍സിപ്പാളായ പണിക്കര്‍ സാറിന് മികച്ച അദ്ധ്യാപകനുള്ള സംസ്ഥാന അവാര്‍ഡ് ലഭിച്ചു. വീണ്ടും ഇരട്ടി മധുരമായി ഹരിതവിദ്യാലയം റിയാലിറ്റി ഷോയില്‍ പങ്കെടുക്കുവാനുള്ള അവസരം ലഭിച്ചിരിക്കുകയാണ്.

കുസൃതി ചോദ്യങ്ങള്

1. ഉറുമ്പും ആനയും ബസില് പോയപ്പോള് ഉറുമ്പ് മത്രേം ടിക്കറ്റ് എടുത്തു .കാരണം എന്ത്?
2. ഉറുമ്പും ആനയും സിനിമയ്ക്ക് പോയപ്പോള് ആന ടിക്കറ്റ് എടുത്തില്ല കാരണം എന്ത്?

ചേട്ടന്മാരെ ചേച്ചിമാരെ ഉത്തരം അയക്കുമല്ലോ?
അനഘാ മഹേഷ് .

പഴഞ്ചൊല്ലുകള് -2010

1. കമ്പനി നന്നായാല് കമ്പ്യൂട്ടര് നന്നാകും...
2. കാക്ക കുളിച്ചാല് കൊക്കാകും കമ്പ്യൂട്ടര് കുളിച്ചാല് കേടാകും.
3. ആയിരം കമ്പ്യൂട്ടര് നു ഒരു മോടം
   
   

സാരഥി ,സുബിന്,വിഷ്ണു,സുധി
8E

പുതു വത്സരാശംസകള്....ഡി വി അച് എസ്

ക്രിസ്തുമസ് ആശംസകള്..

എല്ലാവര്ക്കും ഡി.വി.വി.എച് എസ് എസ് ന്റെ ക്രിസ്തുമസ് ആശംസകള്.....

മകന്റെ ബുദ് ധി......

മകന്‍ :അച്ചാ..... ഒരു സിനിമക്കു കൊണ്ടു പോകുമൊ?
അച്ചന്‍ :ഇപ്പോള്‍ നേരമില്ല...പിന്നീടാകട്ടേ...
മകന്‍ :ഊം...ഇപ്പൊ തന്നെ പൊകണം.
അചച്ന്‍ : പറ്റില്ല..ചീത്ത പടമാണത്
മകന്‍ : ഹും....അപ്പോ അച്ച് ന്‍ അതു കണ്ടു...എനിക്കും അതു കണണം....ചീത്തപടമല്ല
അചന്‍ : ശരി..ശരി...വേഗം റെഡിയാക്.
.....രണ്ടുപേരും പോകുണു......
മകന്‍ : അച്ചാ.. ഐസ്ക്രീം വേണം
അചന്‍ : ദാ‍.....
....മകന്റെ കൈയ്യില്‍ നിണും ഐസ്ക്രിം തഴെ പോകുണു...
അചന്‍ : താഴെ വീണ ഒണും എടുക്കരുത്.
.....കുറേ ദൂരം നടന്നപ്പം ഒരു പഴത്തൊലിയില്‍ ചവിട്ടി അച്ചന്‍ തെന്നി വീണു.....
അച്ചന്‍ :എടാ...ഒന്നു പിടിക്കടാ..നോക്കിനില്‍ക്കാതെ....
മകന്‍ : അച്ചനല്ലെ പറഞത് തഴെ വീണത് ഒന്നും എടുക്കരുത് എന്ന്?????????...
അച്ചന്‍ : ങേ.............?????????
വൈശാഖ്.9.ഡി

വിശേഷങള്‍.............

കൊച്ചിലി പൂച്ച...........
ഞങള്‍ വീടു മാറുകാണ്. ഇപ്പോള്‍ രണ്ട്നിലയുടെ മുകളില്‍ ആണ്.ജക്കിച്ചാനെ ഇനി എപ്പോഴും കാണാന്‍ പറ്റില്ല.പക്ഷേ താഴെ ഒരു പൂച്ചക്കുട്ടി കൂട്ടുണ്ട്.അവള്‍ സുന്ദരി ആണ്.“കൊച്ചു ബില്ലി”...അവളെ പേരുചുരുക്കി ഞാന്‍ “കൊച്ചിലി” എന്നാണ് വിളിക്കുന്നത്.അവള്‍ എന്റെ പൂച്ച അല്ല.ഈ പേരുള്ള എന്റെ പൂച്ച ചത്തു പോയി.... അത് ഓര്‍ക്കുബോള്‍ കരച്ചില്‍ വരും..അത് പിന്നെ പറയാം.

താഴ്ത്തെ വീട്ടിലാണു ഈ പൂച്ചക്കുട്ടിയുടെ ജനനം..ഇവര്‍ മൂന്നു പേരാണ് ട്ടോ...........ഒരണ്ണമേ ഭംഗി ഉള്ളതൊള്ളു... ഒരുദിവസം ഞാന്‍ സ്ക്കൂളില്‍പ്പോകാന്‍ ബൈക്കില്‍ കേറിയപ്പോള്‍ കാര്‍ ഷെഡ്ഡിന്റെ മുകളില്‍ ഒരനക്കം... നോക്കിയപ്പോള്‍ ആറുകണ്ണുകള്‍ .... അന്നു മുതലണ് കൊച്ചിലി എന്റെ ഓര്‍മയില്‍ വീണ്ടും വന്നതും , അതില്‍ ഒന്നിനു പുന്നാര പൂച്ചക്കുട്ടിയുടെ പേരിട്ടതും....
ഇനി ബാക്കി നാളെ........................
അനഘ മഹേഷ് II Std
Kumaranalloor..............

വിശേഷങള്‍.............

അണ്ണാറക്കണ്ണന്റെ ചിഞ്ചലാട്ടം

ഞാന്‍ ജനല്‍ പാളിയിലൂടെ വെളിയിലോട്ടു നോക്കി......ഹായി................എന്നും കാണുന്ന ചാട്ടക്കാരന്‍..
അവനെ എനിക്ക് എന്തിഷ്ടമണെന്നോ.. അവന്റെ വലില്‍ പിടിച്ചു മുഖത്തു ഉരസി കളിക്കാന്‍ തോന്നി.
അവന്‍ എന്നെതന്നെ എന്നും നോക്കും...അവനു ഞാന്‍ ഒരു പേരിട്ടു.”ജാക്കിച്ചാന്‍”......ചേട്ടന്‍ മാരേ,ചേച്ചിമാരെ.....നിങള്‍ക്ക് ഇഷ്ടമായൊ പേര് ???ശോ........അമ്മ വിളിക്കുന്നു ബാക്കി നളെ.....

അനഘ മഹേഷ് II Std.
Kumaranalloor

ശരണ കീര്‍ത്തനം (കവിത)

അയ്യപ്പ തിന്തകതൊം സ്വാമി തിന്തകതോം (2)

ശബരി മല കേരി വരുന്നേ.....എന്‍ അയ്യപ്പനെ കാണാനായി

പന്പയില്‍ നീരാടുന്നെ എന്‍ പാപത്തിന്‍ മോക്ഷമേറാന്‍

(അയ്യപ്പ)

കാനനത്തില്‍ ഏറിവരുന്നെ ........എന്‍ നന്മയെ തഴുകാന്‍

അയ്യന്റെ തൃപദത്തില്‍ ഞാന്‍ ധന്യനായി തീരുന്നല്ലോ

(അയ്യപ്പ)

വൃതമെടുത്ത് മലയിട്ടു മല ചവിട്ടി അയ്യന്റ തൃക്കാല്‍ ക്കല്‍

തൊഴുതു വീണു നിന്‍ നാമം ചൊല്ലീടുവാന്‍ ഒന്നു കഴിയണെ

ഒന്നു കഴിയണെ(2)

മകര ജ്യോതി തിളങിയതും നിന്‍ നാമം ചൊല്ലിയതും

അത്ഭുതം എന്നും അത്ഭുതം.

(അയ്യപ്പ)

ഗണപതിയുടെ പാദത്തില്‍ തൊഴുതു മടങി ഞാന്‍

ആയിരം നെയ്യ് തേങ ഉടക്കുന്നു ഞാന്‍....

(അയ്യപ്പ)

krishnan motty

5A,DVHSS

കുസ്രുതി ചോദ്യങ്ങള്‍

1. കടലിനും കുതിരക്കും ഉള്ള സാമ്യം ?
2.കുതിരക്ക് ഉണ്ട് എങ്കിലും കേള്‍ക്കാന്‍ പറ്റാത്തതും പട്ടിക്ക് ഇല്ലെങ്കിലും കേള്‍ക്കാന്‍ പറ്റുന്നതും??????
ans: 1. തിര 2..കുര
അനഘ മഹേഷ് II Std.

2009 ലെ കമ്മല്‍

കതിലോല എന്ന് അമ്മൂമ പറഞ്ഞിട്ടുണ്ട്. ഈ പരിഷ്കരതിനു അന്തു പറയും അമ്മൂമ???????????????????

എല്ലാ മലയാളികള്‍ക്കും DVHSS ന്റെ happy new year !!!!!!!!!!!!!!!!!!

തൊണ്ടി (കുഞ്ഞിക്കഥ)

ഒരിടത്തൊരിടത്ത് കിട്ടുണ്ണി എന്നൊരാള്‍ താമസിച്ചിരുന്നു. മരമണ്ടനായിരുന്നു കിട്ടുണ്ണി.
ജോലി മോഷണവും.
ഒരു ദിവസം ഒരു വീട്ടില്‍ കയറി കിണ്ടിയും അടിച്ചെടുത്തു വരികയായിരുന്നു, കിട്ടുണ്ണി.
പട്രോളിങ്ങിനിറങ്ങിയ പപ്പുപ്പോലീസ് ഇതു കണ്ടു.
“നില്‍ക്കെടാ അവിടെ!”
പപ്പുപ്പോലിസ് കിട്ടുണ്ണിയെ തടഞ്ഞു.
“ഹും! എടുക്കെടാ, തൊണ്ടി!”
കിണ്ടിയില്‍ നോക്കി പപ്പു പറഞ്ഞു.
“ഹയ്യോ! ഏമാനേ........... എന്റെ കൈയ്യില്‍ തൊണ്ടിയൊന്നുമില്ല.....”
കിട്ടുണ്ണി പറഞ്ഞു.
“ധിം!!!”
പപ്പുപ്പോലീസ് ഒറ്റയിടി.
“കള്ളം പറയുന്നോ? ഞാന്‍ കണ്ടതല്ലേ!! എടുക്കടാ ഇവിടെ!!”
ഇടി കൊണ്ട കിട്ടുണ്ണി കരച്ചിലായി.
“പൊന്നേമാനേ.................... സത്യമായിട്ടും എന്റെ കയ്യില്‍ തൊണ്ടിയൊന്നുമില്ല... ആകെയുള്ളത് ഈ കിണ്ടിയാ........ ദാ, പിടിച്ചോ!”
“ങേ!!!”
പപ്പുപ്പോലീസ് അമ്പരന്നു പോയി.

വൈശാഖ്. എസ് . നായര്‍.
8-ബി.

ചട്ടിയും കുട്ടിയും

പുത്തനൊരു ചട്ടി
അമ്മ തേച്ചുവച്ചു
കുട്ടനൊന്ന് തൊട്ടു
ചട്ടി വീണുപൊട്ടി
അമ്മ വന്ന് കണ്ടു
പെട്ടന്നടി പൊട്ടി
കുട്ടനയ്യോ മോങ്ങി
അമ്മയൊപ്പം തേങ്ങി


ആനന്ദ് ലാല്‍
VI ബി

കറുത്ത പട്ടാളം

വരിവരിയായിട്ടണി ചേരുന്നൊരു കുട്ടിപ്പട്ടാളം
വഴിതെറ്റാതെ വരുന്നതു കാണാനെന്തൊരു ചേലാണ്.
കറുത്ത പട്ടില്‍ പുതച്ചതാണീ പട്ടാളക്കൂ‍ട്ടം
അരിമണിയേന്തി നിരന്നു വരുന്നോരിവരുടെ പേരെന്ത്?

ആനന്ദ് ലാല്‍
6 ബി

കറങ്ങിത്തിരിഞ്ഞ് വരൂ, ഞങ്ങളുടെ സ്കൂളിലേയ്ക്ക്.

ബൂലോകരേ, ഞങ്ങളുടെ സ്കൂളിലേയ്ക്ക് നിങ്ങള്‍ക്കാര്‍ക്കെങ്കിലും വരണമെന്നു തോന്നിയാല്‍ വഴിയറിയാതെ വിഷമിക്കരുതല്ലോ. കോട്ടയം പട്ടണത്തില്‍ നിന്നും എം. സി.റോഡ് വഴി ഏറ്റുമാനൂര്‍ റൂട്ടില്‍ നാലു കി.മീ. യാത്ര ചെയ്താല്‍ കുമാരനല്ലൂര്‍ കവലയില്‍ എത്തിച്ചേരാം. നാഗമ്പടം പാലം കഴിഞ്ഞാല്‍ കുമാരനല്ലൂര്‍ പഞ്ചായത്തായി . വഴിക്ക് , മാതൃഭൂമി , മംഗളം എന്നീ പത്ര സ്ഥാപനങ്ങള്‍ കാണാം. എസ്.എച്ച് മൌണ്ട് ജങ്ഷനില്‍ എത്തി വലത്തോട്ട് പോയാല്‍ പ്രസിദ്ധ സംഗീത വിദ്വാന്മാരായ ജയ-വിജയന്മാരുടെ വീട്ടിലെയ്ക്ക് പോകാം. ശ്രീ വിജയന്‍ നമ്മെ വിട്ടു പോയെങ്കിലും, ശ്രീ ജയന്‍ ഇന്നും ഈ നാടിന്റെ സജീവ സാന്നിദ്ധ്യമായി നിലകൊള്ളുന്നു. മലയാളത്തിന്റെ പ്രിയതാരംശ്രീ. മനോജ് കെ ജയന്‍ (ശ്രീ.ജയന്റെ പുത്രന്‍) ജനിച്ചു വളര്‍ന്ന വീടാണത്. ഇടത്ത്, വിളിപ്പാടകലെ എസ്. എച്ച്.മൌണ്ട്. പള്ളി, സ്കൂളുകള്‍, സെമിനാരി. തൊട്ടടുത്താണ് ഞങ്ങളുടെ എം. എല്‍. എ, ശ്രീ.തോമസ് ചാഴികാടന്റെ വീട്. എം. സി. റോഡിലൂടെ നേരേ പോകുമ്പോള്‍ വഴിയരികില്‍ ഇടതുവശത്ത് മലയാള ചലച്ചിത്ര തറവാട്ടിലെ കാരണവന്മാരിലൊരാളായശ്രീ. ജോസ് പ്രകാശിന്റെ കുടുംബവീട് കാണാം . ചലച്ചിത്ര നടന്‍ കൂടിയായ അനുജന്‍ ശ്രീ.പ്രേം പ്രകാശാണ് , ഇപ്പോളീവീട്ടില്‍ താമസം . തൊട്ടടുത്താണ് സെന്റ് : മാര്‍സെലിനാസ് ഗേള്‍സ് ഹൈസ്ക്കൂള്‍ .

അടുത്ത കവലയാണ് ചവിട്ടുവരി . പെരുമ്പായിക്കാട് വില്ലേജ് ഓഫീസ് , ഇലക്ട്രിസിറ്റി ഓഫീസ് എന്നിവ ചവിട്ടുവരിയിലാണ് . ഇവിടെ നിന്നും രണ്ട് കിലോമീറ്റര്‍ വലത്തോട്ട് പോയാല്‍ ചരിത്ര പ്രസിദ്ധമായ സൂര്യകാലടിമനയിലെത്താം . മീനച്ചിലാറിന്റെ തീരത്താണ് സൂര്യകാലടിമന . വിളിപ്പാടകലെ എം.ജി.യൂണിവേഴ്സിറ്റിയുടെ കീഴിലുള്ള സ്ക്കൂള്‍ ഓഫ് ലീഗല്‍ തോട്ട്.അല്പം കൂടി മുന്നോട്ട് പോയാല്‍ നട്ടാശേരി ഗാന്ധിസ്മാരക സമിതി . ഇതിനടുത്തുള്ള വിദ്യാധിരാജാ ഹൈസ്ക്കൂള്‍ ഞങ്ങളുടെ പഞ്ചായത്തിലെ മറ്റൊരു വിദ്യാലയമാണ് . ഖസാക്കിന്റെ ഇതിഹാസകാരന്‍ ശ്രീ ഒ.വി. വിജയന്‍ തന്റെ അവസാനകാലത്ത് കുറച്ചുനാള്‍ ഭാര്യ ശ്രീമതി. തെരേസയോടൊപ്പം മീനച്ചിലാറിന്റെ തീരത്ത് ഒരു വീട്ടില്‍ താമസിച്ചത് ഈ ഗ്രാമത്തിന്റെ ഭാഗ്യം . ട്രിഫാനി സ്വീറ്റ് ഫാക്ടറിയുടെ സമീപത്ത് കൂടി ആ വീട്ടിലേക്ക് പോകുന്ന വഴിയ്ക്ക്, ഒ.വി. വിജയന്‍ റോഡെന്നാണ് പേര് .

നമുക്ക് തിരിച്ച് പോകാം , ഇനിയും മുന്നോട്ട് പോയാല്‍ വിജയപുരം പഞ്ചായത്താണ് . നമ്മള്‍ തിരിച്ച് ചവിട്ട് വരി കവലയില്‍ തന്നെയെത്തി . എം.സി. റോഡിലെ അടുത്ത ജങ്ഷന്‍ കുമാരനല്ലൂരാണ്. പഞ്ചായത്താഫീസ് , പോസ്റ്റാഫീസ് , കമ്യൂണിറ്റി ഹാള്‍ എന്നിവ ഇവിടെ തന്നെ . നമുക്ക് ഇനി ഇടത്തോട്ടാണ് പോവേണ്ടത് . നേരേ പോയാല്‍ നീലിമംഗലം പാലം . ഈ പാലം കടന്ന് , സംക്രാന്തിയും ( ഇന്നും ഇവിടെ പുതുവര്‍ഷത്തില്‍ സംക്രമവാണിഭം നടക്കുന്നു). , ഗാന്ധിനഗറും പിന്നിട്ട് അടിച്ചിറയെത്തിയാല്‍ അതിരമ്പുഴ , ഏറ്റുമാനൂര്‍ പഞ്ചായത്തുകളുടെ പരിധിയിലെത്തും . നമുക്ക് തിരിച്ച് പോരാം . ഇനി ഗാന്ധിനഗറില്‍ നിന്നും വലത്തോട്ട് പോയാല്‍ കോട്ടയം മെഡിക്കല്‍ കോളജില്‍ എത്തും . അതിന്റെ ഒരു വശം ആര്‍പ്പൂക്കര പഞ്ചായത്താണ് . ദന്തല്‍ കോളജും തൊട്ടടുത്തുണ്ട് . നമുക്ക് പോകേണ്ടത് കുമാരനല്ലൂര്‍ കവലയിലേക്കാണല്ലോ . ഇനി കവലയില്‍ നിന്നും വലത്തോട്ട് . റെയില്‍ വേ ക്രോസുണ്ട് . അത് കഴിഞ്ഞാല്‍ വഴി രണ്ടായി പിരിയും . ഇടത്തേക്ക് പോയാല്‍ കുടമാളൂര്‍ . പ്രശസ്ത നാദസ്വര വിദ്വാന്‍ ശ്രീ തിരുവിഴാ ജയശങ്കറുടെ വീട് ഇവിടെ അടുത്താണ് . കുടമാളൂര്‍ അയ്മനം പഞ്ചായത്തിലാണ് . അരുന്ധതി റോയിയുടെ അയ്മനം . പ്രശസ്ത കഥകളി ആചാര്യന്‍ കുടമാളൂര്‍ കരുണാകരന്‍ നായരുടെ വീടും ഈ വഴിയിലാണ് . നമ്മളിപ്പോള്‍ അങ്ങോട്ടൊന്നും പോകുന്നില്ല . കുമാരനല്ലൂര്‍ കവലയില്‍ നിന്നും വലത്തേയ്ക്ക് തിരിയുക . ഉടനെ ഇടത് വശത്ത് ഒരു കോണ്‍വെന്റ് കാണാം . പതിറ്റാണ്ടുകളായി കുട്ടികള്‍ക്ക് വേണ്ടി പ്രസിദ്ധീകരിച്ചുകൊണ്ടിരിക്കുന്ന ‘സ്നേഹസേന’ എന്ന ചെറിയ മാസിക ഇവിടെ നിന്നാണ് വരുന്നത് . കഷ്ടിച്ച് ഒരു കിലോമീറ്റര്‍ പോയാല്‍ ആലിന്‍ ചുവട്ടിലെത്താം . ഇവിടെയാണ് സര്‍ക്കാര്‍ എല്‍ . പി .സ്ക്കൂളും , ഫുഡ്ക്രാഫ്റ്റ് ഇന്‍സ്റ്റിട്യൂട്ടും . വലത്തോട്ട് പോയാല്‍ ആറാട്ട് കടവ് . മീനച്ചിലാറാണത്. ഇടത്തോട്ട് നോക്കൂ . നേരേ കാണുന്നത് കുമാരനല്ലൂര്‍ ഭഗവതീ ക്ഷേത്രം .

സാക്ഷാല്‍ മധുരമീനാക്ഷി തന്നെയാണ് കുമാരനല്ലൂര്‍ ഭഗവതിയെന്ന് കൊട്ടാരത്തില്‍ ശങ്കുണ്ണി ‘ഐതീഹ്യമാല’യില്‍ പറയുന്നു . ഒരിക്കല്‍ മധുര മീനാക്ഷിയുടെ വിഗ്രഹത്തിലെ വൈരക്കല്‍ മോതിരം കളവു പോയി . പാണ്ഡ്യരാജാവ് പൂജാരിയെ തെറ്റിദ്ധരിക്കുന്നു . നിസ്സഹായനായ പൂജാരിയോട് ഓടി രക്ഷപ്പെടാന്‍ ദേവി തന്നെ നിര്‍ദ്ദേശിക്കുന്നു . പാവം ബ്രാഹ്മണന്‍ നടന്ന് നടന്ന് ഒരു ക്ഷേത്രത്തിലെത്തുന്നു . പൂജാരിയെ അനുഗമിച്ച ദേവി, ഈ ക്ഷേത്രത്തില്‍ കുടിയേറി . സുബ്രഹ്മണ്യനുവേണ്ടി ചേരമാന്‍ പെരുമാള്‍ നിര്‍മിച്ച ക്ഷേത്രമായിരുന്നു അത് . ഒടുവില്‍ പെരുമാള്‍ ഇവിടെ ദേവീ വിഗ്രഹം പ്രതിഷ്ടിക്കാന്‍ നിര്‍ബന്ധിതനാകുന്നു . കുമാര ( സുബ്രഹ്മണ്യ ) സ്വാമിക്കുവേണ്ടി പണികഴിപ്പിച്ച ക്ഷേത്രത്തിന് അങ്ങനെ കുമാരനല്ലൂര്‍ എന്നു തന്നെ പേരുവന്നു . പൂജാരിയുടെ പിന്തുടര്‍ച്ചക്കാര്‍ മധുരനമ്പൂതിരിമാര്‍ എന്നറിയപ്പെടുന്നു . ഇന്നും തൊട്ടടുത്തുള്ള മധുരമനയിലെ അവകാശികളാണ് ഇവിടെ പൂജ ചെയ്യുന്നത് .

നടയ്ക്ക് നേരെ നിന്ന് ഇടത്തേയ്ക്ക് നോക്കൂ . അതാ !ഞങ്ങളുടെ സ്ക്കൂള്‍ !കുമാരനല്ലൂര്‍ ദേവീ വിലാസം ഹയര്‍ സെക്കണ്ടറി സ്ക്കൂള്‍ .“ നമസ്ക്കാരം . സ്വാഗതം .സുസ്വാഗതം .”

ഞങ്ങളും ബൂലോകത്തേയ്ക്ക്

ഞങ്ങളും ബൂലോകത്തേയ്ക്ക്.

കോട്ടയം ജില്ലയിലെ കുമാരനല്ലൂര്‍ ദേവീ വിലാസം ഹയര്‍ സെക്കന്ററി സ്ക്കൂളിലെ അദ്ധ്യാപകരും, അനദ്ധ്യാപകരും, വിദ്യാര്‍ത്ഥികളും, മാതാപിതാക്കളും സന്തോഷത്തിലാണ്. ഞങ്ങളും ഇനി മുതല്‍ ബൂലോകത്തറവാട്ടിലെ അംഗങ്ങളാവുകയാണ്.

ബൂലോകത്തെ ഓരോരുത്തരുടേയും സഹായസഹകരണങ്ങള്‍ ഞങ്ങള്‍ക്ക് ഉണ്ടാവണമെന്ന് അഭ്യര്‍ത്ഥിക്കുന്നു.

ആശംസകളോടെ,
ദേവീ വിലാസം കുടുംബാംഗങ്ങള്‍.